धनगढी । बझाङमा जिप दुर्घटना हुँदा ६ जनाको मृत्यु भएको छ । 

बझाङको सदरमुकाम चैनपुरबाट मस्टा गाउँपालिकातर्फ जाँदै गरेको सुपप्र०४००१च ११७ नम्बरको जिप मस्टा गाउँपालिका १ चिउरीमा दुर्घटना भएको हो । 

दुर्घटनामा परेर ६ जनाको घटनास्थलमै मृत्यु भएको छ भने घाइतेको तथ्यांक आउन बाँकी रहेको जिल्ला प्रहरी कार्यालय बझाङका प्रहरी नायब निरीक्षक केशव भट्टले जानकारी दिए । 

मृतक ६ जनाको पहिचान खुल्न सकेको छैन । प्रहरीका अनुसार घाइतेको उद्धारका लागि सशस्त्र प्रहरी, नेपाल प्रहरीको टोली खटिएको छ । 

घटनाको थप विवरण आउन बाँकी रहेको भट्टले बताए ।