कांग्रेस सिध्याउने अधिकार कसैलाइ छैन : चन्द्र भन्डारी
बुटवल । नेपाली कांग्रेसका नेता डा. चन्द्र भण्डारीले कांग्रेस सिध्याउने अधिकार कसैलाई नभएको बताएका छन् । शुक्रबार बुटवलमा आयोजित एक कार्यक्रमलाई सम्बोधन गर्दै उनले कांग्रेसभित्र अहिले भइरहेको मनपरी रोक्न खबरदारी गर्न कार्यकर्तालाई आग्रह गरे ।

"कांग्रेस सिद्धिनुभएन । राजाका बेला नसिद्धिएको, माओवादीका बेला नसकिएको कांग्रेसलाई अहिले आफ्नैबाट सम्स्यामा परेको छ," भण्डारीले भने ।

नेता भण्डारीले अहिले समानुपातिकको नाममा चरम भागबन्डा र परिवारवाद लादिएको भन्दै त्यो आफूहरूलाई कदापि मान्य नहुनेसमेत चेतावनी दिए । उनले समानुपातिक सूची सच्चाएरै छाड्ने र विवादित मान्छेलाई सूचीबाट हटाउनेसमेत दाबी गरे । 

कांग्रेस अबको चार वर्षपछि कांग्रेस आफूहरूको नेतृत्वमा आउने समेत ठोकुवा गरे ।

उनले मंसिर ४ मा सही नेतृत्व छनोट गर्न र नेता छान्ने बेला जनताले प्रश्न गरेर मात्रै भोट हाल्नुपर्ने बताए ।

एमालेले हरेक प्रश्नको जवाफमा वृद्धभत्ताको रटान मात्रै गर्ने गरेको टीप्पणी गर्दै उनले उनीहरूको एजेन्डा नै नभएको र अरूलाई गाली गर्ने काम मात्रै भएको आरोप लगाए ।