बेरुत । लेबनानमा आप्रवासी चढेको एउटा डुंगा सिरियाको तटमा डुब्दा ५३ जनाको मृत्यु भएको छ ।  

करिब २० जनालाई उद्धार गरिएको लेबनानका यातायात मन्त्रीले शुक्रबार जानकारी दिएका छन् । 

सिरियाली सहर टार्टसको तटीय क्षेत्रमा बिहीबार भूमध्यसागरमा डुबेको सानो डुङ्गामा १०० भन्दा बढी व्यक्ति सवार रहेका थिए ।

सवार यात्रुहरु अधिकांश लेबनानी र सिरियालीहरु रहेका थिए ।  दर्जनौं अझै बेपत्ता रहेका बताइएको छ । रासस/एएफपी