काठमाडौं । वीर अस्पतालले अबदेखि घर बहाल कर काठमाडौं महानगरपालिकालाई बुझाउने भएको छ । 

अस्पताललाई महानगले घर बहाल कर नबुझाएको भन्दै कर चुक्ता गर्नका लागि १० दिनको अल्टिमेटम दिएको थियो ।

अस्पतालले आफूले उठाउने भाडाको १० प्रतिशत रकम स्थानीय सरकार सञ्चालन ऐन २०७४ जारी हुनुपूर्वकै व्यवस्थाअनुसार आन्तरिक राजश्व कार्यालयमा बुझाउने गरेको जनाएको छ । 

अस्पतालले चालु आर्थिक वर्षदेखिको घर बहाल कर भने महानगरलाई बुझाउने भन्दै सूचना प्रकाशित गरेको छ ।