काठमाडौं । एनसेल आजियाटा लिमिटेडले दसैँको अवसरमा आकर्षक रिचार्जमा बोनस अफर ल्याएको छ । उक्त अफर अन्तर्गत हरेक दिन एक सय वा सो भन्दा बढीको रिचार्जमा अधिकतम ४० सम्म बोनस ब्यालेन्स प्राप्त गर्न सक्ने एनलसेलले जनाएको छ ।

यो अफर भदौ २८ गते (मंगलबार)देखि सञ्चालनमा आएको छ । उक्त अफरमा एनसेलका ग्राहकले एक सयको रिचार्ज गर्दा एक दिन मान्य रहने १० रुपैयाँ बोनस स्वरूप प्राप्त गर्नछन् । यो बोनस प्राप्त गर्न ग्राहकले जुनसुकै रकमको रिचार्ज गर्न सक्छन् । बोनस ब्यालेन्स रिचार्ज गरिएको रकमको आधारमा हरेक दिन पाइन्छ ।

यो अफर अन्तर्गत एक दिनमा एकै पटक वा पटक–पटक गरी १५० रिचार्ज गरेमा २० रुपैयाँ बोनस स्वरूप प्राप्त गर्छन् । प्राप्त बोनस रकम तीन दिनका लागि मान्य रहने एनसेलले जनाएको छ ।

एक दिनमा एकैपटक वा पटक–पटक गरी २०० वा सो भन्दा बढीको रिचार्ज गरेमा ४० रुपैयाँ बोनस ब्यालेन्स प्राप्त गर्छन् र यो बोनस रकम ७ दिनका लागि मान्य कम्पनीले जनाएको छ ।