काठमाडौं । उदयपुरको बेलका नगरपालिका ७ गौधाटार मैनामैनीमा एकजनाले एकै परिवारका तीनजनाको धारिलो हतियार प्रयोग गरी हत्या गरेका छन् ।

घरबाट खेततर्फ जाँदै गरेका स्थानीय ३७ वर्षीय राजकुमार बस्नेत, उनकी श्रीमती ३० वर्षीय सरिता बस्नेत र १२ वर्षीय छोरा सुजन बस्नेतको धारिलो हतियार प्रयोग गरी हत्या भएको हो ।

हत्यालगत्तै फरार रहेका आरोपित ४० वर्षीय नरबहादुर बस्नेतलाई प्रहरीले पक्राउ गरेको छ । उनलाई सोही नगरपालिका ६ बरबोटेबाट नियन्त्रणमा लिइएको जिल्ला प्रहरी कार्यालय उदयपुरका सूचना अधिकारी डीएसपी राकेश पोदारले जानकारी दिए । 

उनकाअनुसार बस्नेतले राजकुमारलाई खेतमा जाँदै गरेको अवस्थामा चौबाटे कुलो र आमा छोरालाई स्थानीय बबिङ खोलामा खुकुरी प्रहार गरी हत्या गरेका हुन् । 

घटनाबारै अनुसन्धान भइरहेको छ ।