काठमाडौं । नेपाली कथानक चलचित्र ‘प्रेम गीत–३’ को हिन्दी भर्सनको ट्रेलर सार्वजनिक गरिएको छ । हिन्दी भाषामा तयार पारिएको ट्रेलर आज लञ्च गरिएको हो । 

माया, प्रेम, रोमान्स र एक्सन समेटिएको ट्रेलरमा प्रदीप खड्कासँगै अधिकांश मुख्य पात्रलाई पर्याप्त समय दिएको छ । 

असोज ७ गते भारत र नेपालमा यो चलचित्र रिलिज हुँदै छ । सन्तोष सेन र छेतेन गुरुङले निर्देशन गरेको चलचित्रका निर्माता सन्तोष स्वयं हुन् । 

हिन्दी भाषामा डविङ गरेर भारतमा थिएटर रिलिज हुन लागेको यो पहिलोपटक हो । भारतमा पनि यो चलचित्र प्रचारलाई तिव्र पारिएको छ । 

चलचित्रमा प्रदीप खड्का, कृष्टिना गुरुङ, शिव श्रेष्ठ, सुनिल थापालगायत कलाकार मुख्य भूमिकामा छन् ।