काठमाडौं । धादिङमा सवारी दुर्घटना हुँदा एकजनाको मृत्यु भएको छ । एकजना घाइते भएका छन् । 

गल्छी गाउँपालिका ७ बुद्धपार्कमा हिजो स्कुटर र हाइस माइक्रो बस आपसमा ठोक्किँदा स्कुटर चालक स्थानीय १८ वर्षिय सविन रिजालको मृत्यु भएको हो । 

स्कुटरमा पछाडि सवार २२ वर्षिय अमृत तामाङ घाइते भएका प्रहरीले जनाएको छ । रिजालको उपचारको क्रममा अम्बिभरोसा अस्पतालमा साँझ साढे ६ बजे मृत्यु भएको हो । तामाङलाई भने थप उपचारको लागि राष्ट्रिय ट्रमा सेन्टर काठमाडौं ल्याइएको छ । 

हिजो साँझ सवा ६ बजे रिजालले चलाएको वाग्मती प्रदेश ०३ ०२ ०११ प ५३२७ नम्बरको स्कुटर र ग १ ख ३४३६ नम्बरको हाइस माइक्रो बस आपसमा ठोक्किएका थिए ।