काठमाडौं । १४१ जना यात्रु बोकेर मुम्बई जान लागेको नेपाल एयरलाइन्सको जहाजबाट सबै यात्रु ओरालिएको छ ।
काठमाडौंबाट मुम्बईका लागि उड्न लागेको जहाजमा एकजना शंकास्पद व्यक्ति रहेको सूचना प्रहरीले पाएपछि सबैलाई बाहिर निकालिएको छ ।
उक्त जहाजबाट एक जना शंकास्पद व्यक्तिलाई प्रहरीले नियन्त्रणमा लिएको छ । उनी सुनको कारोबार गर्ने व्यक्ति भएको हुन सक्ने प्रहरीले आशंका गरेको छ । तर पुष्टि भने भइसकेको छैन ।
उनीहरुलाई केन्द्रीय अनुसन्धान ब्यूरो(सीआईबी) ले नियन्त्रणमा लिएको हो ।
पक्राउ परेकाको पहिचान खलाइएको छैन । अपराधिक गतिविधिमा आवद्ध रहेको कैलाली प्रहरीको सूचनापछि उनलाई नियन्त्रणमा लिइएको हो ।
जहाजमा बसिसकेको अवस्थामा उनलाई पक्राउ गरिएको हो । काठमाडौंबाट बुधबार १ः१० मा मुम्बई उड्नुपर्ने नेपाल एयरलाइन्सको जहाजबाट उनलाई नियन्त्रणमा लिइएको हो ।
नेपाल प्रहरीका एकजना एआईजीका अनुसार उनी चोरीको घटनामा जोडिएका व्यक्ति हुन् ।