काठमाडौं । नेपालका लागि टीभीएस मोटर्सको एकमात्र आधिकारिक वितरक जगदम्बा मोटर्सले नयाँ ‘बबाल फाइनान्स अफर' ल्याएको छ । जगदम्बा मोटर्सले आकर्षक सुविधासहितको योजना सार्वजनिक गरेको हो ।

यस योजना अन्तर्गत ग्राहकहरूले टभिएस मोटरसाइकल र स्कुटर २० प्रतिशत डाउनपेमेन्ट सुविधामा अथवा न्यूनतम ईएमआई क्रमश: जुपिटरमा तीन हजार ९०८ रुपैयाँ,  एनटोर्क स्क्वायड एडिसनमा पाँच हजार २५४ रूपैयाँ र अपाचे आरटीआर २०० फोर भिमा ६ हजार ८२२ रूपैयाँमा खरिद गर्न सक्नेछन् ।

त्यसैगरी, अपाचे आरटीआर २०० फोर भीको नगद खरिदमा ग्राहकले टीभीएस रेसिङ ज्याकेट निःशुल्क प्राप्त गर्न सक्नेछन् ।

कुनै पनि पुरानो मोटरसाइकल वा स्कुटर एक्सचेन्ज गरी नयाँ टीभीएस खरिद गर्दा बजारकै उत्कृष्ट मूल्याङ्कन गराउने टीभीएसले जानकारी दिएको छ । यस योजना अन्तर्गत ग्राहकहरूले झन्झट मुक्त कागजात प्रक्रियाबाट टीभीएस मोटरसाइकल र स्कुटर खरिद गर्न सक्ने कम्पनीको भनाइ छ ।