काठमाडौं । नेपाली भाषा साहित्यमा सक्रिय डा. लेखनाथ काफ्लेलाई विश्व नेपाली साहित्य महासंघले सम्मान गरेको छ ।

शुक्रबार आयोजित कार्यक्रममा वरिष्ठ कवि तथा साहित्यकार तुलसी दिवसले काफ्लेलाई सम्मानित गर्दै नेपाली भाषा साहित्य जीवित रहेमा सबैले गर्व गर्न सक्ने बताउँदै विदेशमा बसेर पनि नेपाली भाषा साहित्यको सेवा गर्नेलाई सम्मान गर्नुपर्नेमा जोड दिए । 

डा. लेखनाथ काफ्लेले आफ्नै घरदेशमा आफू सम्मानित भएकोमा खुसी व्यक्त गरे । 

कार्यक्रममा प्रकाश सायमि, शरद प्रधान, जनार्दन अधिकारी, मणिराज सिंहलगायतले बोलेका थिए ।