काठमाडौं । नेपाली कांग्रेसकी केन्द्रीय सदस्य सीता गुरुङले सत्ता गठबन्धनलाई निरन्तरता दिनुपर्ने बताएकी छन् । गएको स्थानीय तह निर्वाचनमा गठबन्धनका कारण कांग्रेसलाई सहयोग पुगेको उनले बताइन् ।

सानेपामा जारी केन्द्रीय कार्यसमितिको बैठकमा शनिबार उनले गठबन्धनका सकारात्मक र कमी–कमजोरीका विषयमा समीक्षा भने हुनुपर्नेमा जोड दिइन् ।

उनले निर्वाचनमा कांग्रेसले एक्लै प्रतिस्पर्धा गर्न सक्ने भए पनि अहिले गठबन्धनको आवश्यकता रहेको बताइन् ।

“नेपाली कांग्रेस एक्लै लड्न नसक्ने भन्ने छैन । त्यसमा हामी दिग्भ्रमित पनि छैनौँ,” उनले भनिन्, तर, समय र परिस्थितिले अहिलेको गठबन्धनलाई कायम राख्नुपर्छ कि भन्ने लाग्छ ।”