काठमाडौं । सत्तारूढ दल नेपाली कांग्रेस केन्द्रीय कार्यसमितिको आजको बैठक सुरु भएको छ । ललितपुरको सानेपास्थित पार्टी केन्द्रीय कार्यालयमा बैठक बसेको हो ।

आजको बैठकमा पदाधिकारीले आफ्नो धारणा राख्नेछन् । केन्द्रीय सदस्यहरूले धारणा राख्नेक्रम सकिएपछि पदाधिकारीले धारणा राख्न लागेका हुन् ।

केन्द्रीय सदस्यहरूले पार्टीमा गुटका भेला तथा बैठक भएका, सरकारको काम–कारबाही सन्तोषजनक नरहेको भन्दै नेतृत्वको आलोचना गरेका थिए ।

गएको आइतबारदेखि कांग्रेस केन्द्रीय कार्यसमितिको बैठक जारी छ ।