कञ्चनपुर । भीमदत्त नगरपालिका–४ गोबरैयामा भारतीय लुटेराहरुले बुधबार दिउँसै लुटपाट गरेका छन् । निङ्लाशैनी मन्दिरनजिक गीताचन्द सिंहको घरमा चार जनाको समूहले दिउँसै एक लाख रुपैयाँ नगदसहित सुनका गहना लुटेको पीडितले प्रहरीलाई जानकारी दिएका छन् । 

जिल्ला प्रहरी कार्यालयका प्रहरी निरीक्षक लालबहादुर बमका अनुसार पीडितकोे उजुरीमा भारतीय नागरिकजस्ता देखिने चार जनाले हातखुट्टा बाँधेर चोरी गरेको उल्लेख गरिएको छ । प्रहरीले घटनाबारे अनुसन्धान थालेको छ । रासस