काठमाडौं । बाँकेमा बस र मोटरसाइकल आपसमा ठोक्किँदा चालकको मृत्यु भएको छ । कोहलपुर नगरपालिका ११ मा हिजो साँझ बस र मोटरसाइकल आपसमा ठोकिँदा चालकको मृत्यु भएको हो । मृत्यु हुनेमा मोटरसाइकल चालक स्थानीय ६० वर्षीय राम बहादुर थापा रहेको प्रहरीले जनाएको छ । 

गम्भीर घाइते भएका उनको उपचारको क्रममा मेडिकल कलेज कोहलपुरमा मृत्यु भएको हो । भे १ क १२५ नम्बरको बस र भे ४ प ३२५३ नम्बरको मोटरसाइकल हिजो साँझ ६ बजे ठोक्किएका हुन् ।