काठमाडौं । पछिल्लो २४ घण्टामा काठमाडौं उपत्यकामा कोभिड–१९ का १२५ संक्रमित थपिएका छन् । काठमाडौंमा १००, भक्तपुरमा सात र ललितपुरमा १८ संक्रमित थपिएका हुन् ।

योसँगै उपत्यकामा सक्रिय संक्रमितको संख्या ६९४ पुगेको छ ।

हाल देशभर कोरोनाका सक्रिय संक्रमितको संख्या एक हजार पाँच छ । तीमध्ये ९८४ जना होम आइसोलेसनमा र २१ जना संस्थागत आइसोलेसन छन् ।

अस्पतालमा रहेका मध्ये १२ जना आईसीयूमा र एकजना भेन्टिलेटरमा रहेको स्वास्थ्य तथा जनसंख्या मन्त्रालयले बुधबार जनाएको छ ।