काठमाडौं । काठमाडौंको भृकुटीमण्डपस्थित ह्वीलचियर गोदाममा लागेको आगो अझै नियन्त्रणमा आएको छैन ।

आज दिउँसो करिब ३ बजे सुरु भएको आगलागी एक घण्टासम्म पनि नियन्त्रणमा नआएको प्रहरीले जनाएको छ । महानगरीय प्रहरी परिसर काठमाडौंका एसपी दिनेश मैनालीले आगो नियन्त्रणमा लिने प्रयास भइरहेको बताए ।

उनका अनुसार काठमाडौं र ललितपुर महानगरपालिकाका दमकलको सहायतामा आगो नियन्त्रणमा लिने प्रयास भइरहेको छ ।

आगलागीको कारण खुलेको छैन । गोदामका सटर बन्द छन् । प्रहरीले बाहिरबाट आगो नियन्त्रणमा लिने प्रयास गरिरहेको जनाएको छ ।