काठमाडौं । सत्तारूढ दल नेपाली कांग्रेसका नेता प्रकाशमान सिंहले सरकारको आलोचना गरेका छन् । उनले पार्टी सभापति शेरबहादुर देउवा नेतृत्वको सरकारको आलोचना गरेका हुन् ।

सानेपामा जारी केन्द्रीय कार्यसमितिको बैठकमा बुधबार उनले सरकार गतिशील हुन नसकेको टिप्प्पणी गरे । सरकारले देखिने खालको काम गर्न नसकेको उनको भनाइ छ ।

“सरकार गतिशील भएन, यसरी सरकार चलाएर भएन । एकपछि अर्को गल्ती भइरहेको छ, सरकारबाट । देखिने काम गर्नुपर्‍यो,” उनले बैठकमा भने, “देखिने काम के हो ? जनताले सरकारबाट के पाए ? यसले निर्वाचनमा जाँदा गाह्रो हुन्छ ।”

गएको स्थानीय तह निर्वाचनमा राम्रो नतिजा आउन नसकेको पनि उनले बताए ।