काठमाडौं । प्रमुख प्रतिपक्ष दल नेकपा (एमाले)का अध्यक्ष केपी शर्मा ओलीले सहिद शुक्रराज शास्त्रीलाई किन फाँसी दिइएको भन्दै प्रश्न गरेका छन् ।

मानवअधिकार एलाइन्स दिवसका अवसरमा बुधबार राजधानीमा आयोजित एक कार्यक्रममा उनले वि.सं. १९९७ सालमा पर्चा बाँड्दैमा फाँसी दिइएको बताए ।

“शुक्रराजलाई किन फाँसी दिइयो ? त्यही लाइनमा उभ्याएर पहिलो सजाय सुनाउँदा शुक्रराजलाई सर्वस्वहरण गर्ने र मृत्युदण्ड दिने भनेर । जबकि, शुक्रराज शास्त्री आफैँ आजचाहिँ म छुट्छुहोला भन्ने ठानिरहनुभएको थियो । किनभने, छुट्नेबाहेक फैसला हुनु सम्भव नै हुने कुरा थिएन,” ओलीले भने ।

ओलीले सन्चो दिमाग भएकाले त्यस्तो फैसला सुनाउँछ भनेर कल्पना पनि गर्न नकिने बताए ।

मानवअधिकारको उल्लंघन गर्नेलाई कारबाही गरिनुपर्नेमा उनले जोड दिए ।

ओलीले आफूले कहिल्यै मानवअधिकारको उल्लंघन नगरेको समेत बताए ।