काठमाडौं । झापामा चोरीमा संलग्न एक किशोर ८० राउन्ड गोलीसहित पक्राउ परेका छन् ।

भद्रपुर नगरपालिका–५ स्थित प्रियंका मोबाइल पसलमा चोरी भएको घटनामा संलग्न रहेको आरोपमा भद्रपुर–५, देवीबस्ती बस्ने १८ वर्षीय किशोरलाई आज प्रहरीले पक्राउ गरेको हो ।

गएको शुक्रबार राति उक्त पसलमा चोरी भएको थियो । घटनाको अनुसन्धान गर्ने क्रममा ती किशोरलाई चोरी भएको एकथान मोबाइलसहित प्रहरीले फेलापरेको थियो ।

थप अनुसन्धानका क्रममा स्थानीय काली मन्दिरनजिक झाडीमा उक्त पसलबाट चोरी भएका मोबाइलका चार्जर २७ थान र उनको घरको पछाडि इँटामुनि लुकाइराखेको सिक्सर/रिभल्वर पेस्तोलमा प्रयोग हुने ८० राउन्ड गोली फेला पारी बरामद गरेको प्रहरीले जनाएको छ ।