काठमाडौं । रुपन्देहीमा कुटपिटबाट एकजनाको मृत्यु भएको छ । घटनामा संलग्न आरोपमा एकै परिवारका पाँचजना पक्राउ परेका छन् ।

गैडहवा गाउँपालिका–१, पश्चिस बगिया बस्ने ३० वर्षीय महेश भरको कुटपिटबाट मृत्यु भएको हो । सो आरोपमा उनकै बुवा ५४ वर्षीय फौदार भर समेत परिवारका पाँचजनालाई गए राति प्रहरीले नियन्त्रणमा लिएको छ ।

आर्थिक लेनदेनका विषयमा कुटपिट हुँदा महेश र उनकी श्रीमती घाइते भएकी थिइन् ।

इलाका प्रहरी कार्यालय सूर्यपुराबाट खटिएको टोलीले कुटपिटमा संलग्न पाँचैजनालाई नियन्त्रणमा लिएको हो । कुटपिटबाट घाइते भएका महेशको भैरहवास्थित भीम अस्पतालमा उपचारका क्रममा मृत्यु भएको प्रहरीले जनाएको छ ।