काठमाडौं । राष्ट्रपति विद्यादेवी भण्डारीसित चिनियाँ कम्युनिस्ट पार्टी (सीपीसी)का विदेश विभाग प्रमुख लिउ जियन्चाओले भेटवार्ता गरेका छन् ।

नेपालको चारदिने भ्रमणमा रहेको लिउ नेतृत्वको प्रतिनिधिमण्डल राष्ट्रपतिसित शिष्टाचार भेट गर्न बुधबार बिहान शीतलनिवास पुगेको हो ।

यसअघि, उनले प्रधानमन्त्री एवं नेपाली कांग्रेसका सभापति शेरबहादुर देउवासहित सत्ता गठबन्धन र प्रतिपक्ष दलका विभिन्न नेताहरूसित भेटवार्ता गरेका थिए ।

लिउ नेतृत्वको चिनियाँ टोली गएको आइतबार काठमाडौं आएको थियो । टोली आजै स्वदेश फर्कनेछ ।