काठमाडौं । काठमाडौं उपत्यकामा हैजा संक्रमितको संख्या २८ पुगेको छ । संक्रमित हुनेमा ६ जना १४ वर्षमुनिका बालबालिका छन्, जसमध्ये ३ जना ५ वर्षमुनिका शिशु रहेको इपिडिमियोलोजी तथा रोग नियन्त्रण महाशाखाले जनाएको छ । 

महाशाखाका अनुसार मंगलबारसम्म हैजा संक्रमितको संख्यामध्ये काठमाडौं महानगरपालिकामा ११, कागेश्वरी मनोहरामा ८, चन्द्रागिरीमा २, बुढानीलकण्ठमा १ र कीर्तिपुरमा १ जना संक्रमित देखिएका छन् । त्यस्तै, भक्तपुरका चाँगुनारायण नगरपालिकामा १ र सूर्यविनायकमा १ जनामा हैजा पुष्टि भएको छ भने ललितपुर महानगरभित्र २ जनामा हैजा संक्रमण पुष्टि भएको छ । 

महाशाखाले काठमाडौंमा हैजा संक्रमण देखिएका विभिन्न स्थानमा पानी परीक्षणका लागि नमुना संकलन तथा पियुस वितरण अभियान तथा विभिन्न जनचेतनामूलक कार्यक्रमहरू गरिरहेको छ । हैजाबाट बच्न पानी उमालेर मात्रै पिउन महाशाखाको अनुरोध छ ।