काठमाडौं । श्रीलंकाका राष्ट्रपति गोटाबाया राजपक्षेले देश छोडेको विषयमा भारतीय पक्षले एक वक्तव्य जारी गरेको छ । श्रीलंकास्थित भारतीय उच्चायोगले ट्विटरमार्फत ‘स्पष्टीकरण’ दिएको हो ।

उच्चायोगले सञ्चारमाध्यममा आएको एउटा खबरको खण्डन गरेको छ । गोटाबाया र उनका भाइ एवं पूर्वअर्थमन्त्री बासिल राजपक्षेलाई श्रीलंकाबाट बाहिर पठाउन भारतले सहयोग गरेको भन्ने खबरको खण्डन गरिएको हो ।

उच्चायोगले आफ्नो वक्तव्यमा भारतले श्रीलंकाका नागरिकलाई समर्थन गर्ने पनि दोहोर्‍याएको बीबीसीले जनाएको छ ।

७३ वर्षीय राजपक्षे देश छोडेर भागेका छन् । उनी माल्दिभ्सको राजधानी माले पुगेका छन् ।

High Commission categorically denies baseless and speculative media reports that India facilitated the recent reported travel of @gotabayar@Realbrajapaksa out of Sri Lanka. It is reiterated that India will continue to support the people of Sri Lanka (1/2)

— India in Sri Lanka (@IndiainSL) July 13, 2022