काठमाडौं । काठमाडौं महानगरपालिकाका मेयर बालेन्द्र शाह (बालेन)ले टेकुस्थित फोहोरबाट बिजुली उत्पादन गर्ने प्लान्ट मर्मत गर्न सकिने बताएका छन् ।

काठमाडौंमा आयोजित एक कार्यक्रममा उनले प्लान्ट मर्मतका लागि करोडौँ रुपैयाँ नलाग्ने भन्दै दुई–तीन लाख रुपैयाँमै मर्मत गर्न सकिने बताएका हुन् ।

“टेकुमा रहेको फोहोरबाट बिजुली उत्पादन गर्ने प्लान्ट मर्मत गर्न सकिन्छ । करोडौँ रुपैयाँ लाग्दैन । दुई–तीन लाखमै मर्मत गर्न सकिन्छ,” उनले भने ।

उनले महानगरमा भौतिक पूर्वाधारअन्तर्गतका धेरै कामहरू सुरु गरिसकेको उल्लेख गरे ।