काठमाडौं । ललितपुर महानगरपालिका–८ बालकुमारीबाट पेस्तोल र गोलीसहित दुई जना पक्राउ परेका छन् । ‘मेड इन यूएस’ लेखिएको एउटा अटोमेटिक पेस्तोल, दुईवटा म्याग्जिन र चारवटा गोलीसहित पक्राउ परेको जिल्ला प्रहरी परिसर ललितपुरले जनाएको छ ।  

पक्राउ पर्नेमा सर्लाहीको लालबन्दी नगरपालिका–१५, का सुरेन्द्र थिङ र वीरबहादुर बम्जन रहेका छन् । उनीहरूमाथि थप अनुसन्धान भइरहेको ललितपुरका एसपी सिद्धिविक्रम शाहले बताए ।