काठमाडौं ।  स्थानीय तह निर्वाचनको २०० नगरपालिका र ४१९ गाउँपालिका गरी ६१९ पालिकाको नतिजा सार्वजनिक भएको छ । निर्वाचन आयोगको तथ्यांकअनुसार नेपाली कांग्रेस ९९ नगरपालिका र १७६ गाउँपालिका गरी २७५ पालिका प्रमु्खमा निर्वाचित भएको छ । 

एमालेले ५७ नगरपालिका प्रमुख र ११३  गाउँपालिका अध्यक्ष गरी १७० पालिकामा विजयी भएको छ ।

त्यसैगरी नेकपा माओवादी केन्द्रले २० नगरपालिका र ९२ गाउँपालिका गरी ११२ स्थानीय तहको नेतृत्वमा निर्वाचित भएको छ ।
 
एकीकृत समाजवादी ६ पालिका, जनता समाजवादीको १५ पालिकामा विजयी भएको छ । 

स्वतन्त्रसहित अन्य दलले प्रमुखमा १८ र गाउँपालिकामा २३ गरी ४१ स्थानीय तहको नेतृत्व पाएका छन् ।

मतगणना जारी रहँदा कांग्रेसले ३२ नगर र ११ गाउँपालिका गरी ४३ पालिकामा अग्रता लिइरहेको छ ।
 
एमालेले २१ नगर, १० गाउँपालिका गरी ३१ पालिकामा अग्रता लिएको छ ।
 
माओवादीले ६ नगरको प्रमुखसहित ३ गाउँपालिका गरी ९ पालिकामा अग्रता लिइरहेको छ ।
 
एकीकृत समाजवादीले ५ पालिका, जनता समाजवादीले ५ गाउँपालिका र स्वतन्त्रसहित अन्य १८ नगरसहित ४ गाउँपालिकामा अग्रता लिइरहेको छ ।