काठमाडौं । विदेशी मुद्रा सञ्चिति घट्दै गएपछि रोकिएको सुनचाँदी आयात पुनः खुला गरिएको छ ।
नेपाल राष्ट्र बैंकको मौखिक निर्देशनमा बैंकहरूले सुनचाँदी आयात रोकेका थिए । बैंकहरूले बुधबारदेखि नै सुनचाँदी आयातका लागि एलसी (प्रतीतपत्र) खोल्न थालेका हुन् ।
उद्योग, वाणिज्य तथा आपूर्ति मन्त्रालयले राजपत्रमा सूचना जारी गर्दै १० वस्तुको आयात मात्रै रोकेपछि सुनचाँदी आयात खुला भएको हो । रोकिएका १० वस्तुमा सुनचाँदी परेको छैन ।
सरकारले ३२ इन्चभन्दा माथिका रंगीन टेलिभिजन, जीप, कार र भ्यान, २५० सीसीभन्दा माथि क्षमताका मोटरसाइकल, मोबाइल, कुरकुरे, कुरमुरे, लेज, सबै प्रकारका तयारी मदिरा, चुरोट तथा सुर्तीजन्य वस्तु, हिरा, सबै प्रकारका खेलौना तथा खेल्ने तास आयातमा प्रतिबन्ध लगाइएको छ ।