काठमाडौं । सुर्खेतमा बलात्कारको आरोपमा एकजना पक्राउ परेका छन् ।

२४ वर्षीया महिलालाई बलात्कार गरेको आरोपमा वीरेन्द्रनगर नगरपालिका–५ कालिका बस्ने ३१ वर्षीय सुग्रीव नेपालीलाई प्रहरीले पक्राउ गरेको हो ।

वीरेन्द्रनगर नगरपालिका–५, कालिका टोलनजिकैको जंगलमा सुग्रीव नेपाली र सोही ठाउँ बस्ने १९ वर्षीय रोशन गुरुङले ती महिलालाई बलात्कार गरेको उजुरीपछि जिल्ला प्रहरी कार्यालय सुर्खेतबाट खटिएको प्रहरीले घटनामा संलग्नमध्ये सुग्रीवलाई पक्राउ गरेको हो ।

घटनामा संलग्न हाल फरार रोशन गुरुङको खोजी भइरहेको प्रहरीले जनाएको छ ।