काठमाडौं । सिन्धुपाल्चोकको बाह्रबिसेमा ग्यास सिलिन्डर विस्फोट हुँदा तीन जना बालबालिकाको मृत्यु भएको छ ।

आइतबार बेलुका खाना बनाउने क्रममा सिलिन्डरबाट ग्यास लिक भएर विस्फोट भएको थियो । विस्फोटमा परेर तीनजना बालबालिकाको मृत्यु भएको प्रहरीले जनाएको छ ।

सिन्धुपाल्चोक प्रहरीले दिएको जानकारीअनुसार स्थानीय मीनबहादुर तामाङको घरमा रहेको एक सानो पसलमा विस्फोट भएको थियो । विस्फोटमा परेर १० वर्षका विशाल तामाङ, ६ वर्षका सरगम तामाङ र २ वर्षकी दिब्या तामाङको मृत्यु भएको प्रहरीले जनाएको छ ।