काठमाडौं । पर्सामा मोटरसाइकल दुर्घटना हुँदा आज दुईजनाको मृत्यु भएको छ ।

पोखरिया नगरपालिका–४, वसन्तपुरस्थित नहरनमा ना३प १०२६ र प्रदेश २–०३–००४ नम्बरका दुई मोटरसाइकल आपसमा ठोक्किँदा उनीहरूको मृत्यु भएको हो ।

मृत्यु हुनेमा पर्साकै धोबिनी गाउँपालिका–२, गुलरियाका ३५ वर्षीय ललन पटेल, सखुवा प्रसौनी–५, एकडरवाका २९ वर्षीय हसिन्दर सहनी छन् ।

यस्तै, मोटरसाइकलमा सवार रन्जीत महतो, रोजदिन मियाँ र सुपेन राउत गम्भीर घाइते भएका जिल्ला प्रहरी कार्यालय पर्साका प्रवक्ता ओमप्रकाश खनालले जानकारी दिए ।

घाइतेलाई उपचारका लागि वीरगन्जस्थित नारायणी अस्पतालमा लगिएको छ । घटना बिहान १० बजेको घटेको हो ।