जनकपुरधाम । सर्लाहीमा यात्रीवहाक बस दुर्घटना हुँदा चारजनाको मृत्यु भएको छ । आइतबार दिउँसो पूर्व–पश्चिम राजमार्गअन्तर्गत फूलजोरमा बस पल्टिएको हो ।

बसमा सवार २५ जना घाइते भएको सर्लाहीका प्रमुख जिल्ला अधिकारी थानेश्वर गौतमले जानकारी दिए ।

उनका अनुसार वीरगन्जबाट जनकपुरतर्फ आउँदै गरेको ना४ख ८५५५ नम्बरको बस फूलजोर खोलामा पल्टिएको हो ।

दुर्घटनामा मृत्यु भएकाको पहिचान खुलिसकेको छैन । शव पोस्टमार्टमका लागि जिल्ला अस्पताल लगिएको छ । घाइतेको विभिन्न स्वास्थ्यचौकीमा उपचार भइरहेको बताइएको छ ।