काठमाडौं । सप्तरीको सप्तकोशी नगरपालिका–४, तुलसीटोलमा दुईवटा मोटरसाइकल आपसमा ठोक्किँदा दुवै चाकलको मृत्यु भएको छ । चारजना घाइते छन् ।

को२२प १५५८ नम्बरको मोटरसाइकल र स५प ३११८ नम्बरको मोटरसाइकल हिजो साँझ करिब साढे ६ बजे आपसमा ठोक्किएका थिए ।

दुर्घटनामा गम्भीर घाइते भएका मोटरसाइकल चालकहरू सप्तरीकै कञ्चनरूप नगरपालिका–७ का ३५ वर्षीय शुभाष बस्नेत र उदयपुरको चौदण्डीगढी नगरपालिका–९ का २८ वर्षीय हरिशंकर चौधरीको उपचारका लागि अस्पताल लैजाँदै गर्दा बाटोमा मृत्यु भएको हो ।

घाइते भएका दुवै मोटरसाइकलमा सवार चारजनाको विराटनगरस्थित गोल्डेन अस्पतालमा उपचार भइरहेको जनाइएको छ ।