काठमाडौं । कांग्रेस नेता अर्जुन नरसिंह केसीले निर्वाचन समिति निष्पक्ष नभएको आरोप लगाएका छन् । उनले निर्वाचन समिति संस्थापन पक्षको इसारामा चलेको आरोप लगाएका छन् ।

"संस्थापनले जे भन्यो त्यो मान्यो । निर्वाचन समिति देखाउने दाँत मात्र हो । त्यसकारण समयमै गर्न खोज्दा पनि निर्वाचन समयमा सुरु हुन सकेन," उनले भने । 

नेता केसी अहिले शेखर कोइराला टिममा छन् ।

बिहान ८ बजेबाट हुने भनिएको मतदान करिब १२ बजेदेखि मात्र सुरु भएको थियो ।