काठमाडौं । पछिल्लो २४ घण्टामा देशभर २६५ जना कोभिड संक्रमित थपिएका छन् । आठ हजार ६१७ वटा नमुनाको परीक्षण गर्दा २६५ जनामा संक्रमण पुष्टि भएको हो ।

तीमध्ये दुई जनामा कोभिडको नयाँ भेरियन्ट ओमिक्रन देखिएको छ ।

त्यस्तै पछिल्लो २४ घण्टामा २ जनाको मृत्यु भएको छ । योसँगै नेपालमा कोभिड संक्रमणका कारण मृत्यु हुनेको संख्या ११ हजार ५४३ पुगेको छ ।

त्यस्तै आज ३५७ जना संक्रमणमुक्त भएका छन् । योसँगै नेपालमा सक्रिय संक्रमितको संख्या ६ हजार ३८६ पुगेको स्वास्थ्य तथा जनसंख्या मन्त्रालयले जनाएको छ ।