काठमाडौं । मकवानपुरको हेटौंडा उपमहानगर–१९ मा बसको ठक्करबाट २ जनाको मृत्यु भएको छ । आठजना घाइते छन् ।

मृत्यु हुनेमा दुर्घटनामा हेटौंडा उपमहानगर १९ का २० वर्षिय  सुरज विष्ट र चितवन पिप्ले ३ का ३४ वर्षका प्रेमबहादुर सिंह ठकुरी रहेको जिल्ला प्रहरी कार्यालय मकवानपुरले जानकारी दिएको छ । 

घाइते भएका ८ जनामध्ये ७ जना डिस्चार्ज भइसकेको र एक जनाको रिपार्टे आउन बाँकी रहेको छ । 

हेटौंडाबाट चितवनको भरतपुरतर्फ जाँदै गरेको वाग्मती प्रदेश ०३, ००१ ख ०९३६ नम्बरको बसले देउसी–भैलो खेलिरहेकाहरूलाई ठक्कर दिएको थियो । “देउसी–भैलो खेलिरहेकाहरुलाई बसले ठक्कर दिएको हो । उनीहरु सडकसम्म आएर देउसी–भैलो खेलिरहेको देखिएको छ,” प्रहरीले भन्यो ।