जनकपुरधाम । कर्मचारीमाथि दुर्व्यवहार गरेको आरोपमा जनमत पार्टीका १० जना कार्यकर्ता पक्राउ परेका छन् । खानेपानी तथा ढल निकास कार्यालयका कर्मचारी राजेश्वर कुशवहालाई दुर्व्यवहार गरेको आरोपमा डा. सिके राउत नेतृत्वको जनतम पार्टीका कार्यकर्तालाई धनुषा प्रहरीले पक्राउ गरेको हो । 

पक्राउको विरोधमा जनमत पार्टीका कार्यकर्ताहरूले जिल्ला प्रहरी कार्यालय धनुषा अगाडि प्रदर्शन गरेका छन् । उनीहरू अहिले कार्यालय अगाडि धर्नामा बसेका छन् ।

आज दिउँसो जनमतका नेता तथा कार्यकर्ताहरूले कर्मचारी कुशवहालाई कार्यालयबाट अर्धनग्न बनाएर नगर परिक्रमा गराएका थिए । कर्मचारी कुशवहाको शरीरमा जनमतका नेता तथा कार्यकर्ताहरूले हिलो दलिदिएका थिए । 

जनमत पार्टीका कार्यकर्ताहरूले उनीमाथि ''जनकारबाही' गरेको बताएका छन् ।

यो पनि पढ्नुहोस्

कर्मचारीलाई हिलो दलेर नगर परिक्रमा गराइयो