काठमाडौं । एएसबीसी युथ तथा जुनियर बक्सिङ च्याम्पियनसिपमा सहभागिता जनाएर नेपाली बक्सिङ टोली स्वदेश फर्किएको छ ।

दुबईमा भएको प्रतियोगितामा नेपालका तीन खेलाडीले कास्यपदक जितेका थिए । नेपालबाट सहभागिता जनाएका ६ खेलाडीसहित १२ सदस्यीय नेपाली टोली मंगलबार स्वदेश फर्किएको हो ।

नेपालका छिरिङ वाङ्दी शेर्पाले जुनियर पुरुषको ५४ केजी तौल समूहमा कास्य जितेका थिए । यस्तै, स्वस्तिका तिरुवाले महिला ५० केजी तौल र नारीका राईले ५७ केजी तौल समूहमा कास्य जितेका हुन् ।