काठमाडौं । गायक श्रीकृष्ण सिम्खडाको आवाजमा ‘गाइजात्राको कोसेली २०७८’ सार्वजनिक भएको छ । 

सार्वजनिक भिडियोमा उनले देशको राजनीतिक उथलपुथल र राजनीतिज्ञप्रति व्यंग्य गरेका छन् । उनले एमसीसीमा नेताहरुबीच नै रहेको मतभेद र प्रधानमन्त्री शेरबहादुर देउवाको यसप्रतिको धारणा, नागरिकले सहजै कोरोना खोप नपाउँदा भोग्नु परेको पीडा, पूर्व प्रधानमन्त्री केपी शर्मा ओलीले बाँडेका विकासका आश्वासनप्रति व्यङ्ग्य गरेका छन् । 

एमालेमा आएको फुट, प्रचण्ड र माधवकुमार नेपालबीचको निकटता, सामाजिक सञ्जालको दुरुपयोगलगायत विषयमा श्रीकृष्णले व्यङय कसेका छन् ।