काठमाडौं । कतार एयरवेजले थर्ड पार्टी ई–बुकिङ प्ल्याटफर्म फ्रेइटोसको वेब कार्गो सेवा विश्वभर  विस्तार  गरेको छ । कम्पनीले यही अगस्ट २३ तारिखदेखि लागु हुने गरी उक्त योजना विश्वभर विस्तार गरेको हो ।

कतार एयरवेजको विश्वव्यापी नेटवर्कमा प्रयोगकर्ताहरूले अब वेब कार्गो प्ल्याटफर्मबाट लागत तथा क्षमताको प्रत्यक्ष जानकारीसहित अनलाइन वा अफलाइन ई–बुकिङ गर्न सक्नेछन् ।

गएको फेब्रुअरीमा फ्रान्स, जर्मनी, इटाली, दक्षिण अफ्रिका, स्पेन तथा नेदरल्यान्ड्समा सेवा सुरुवात भएपछि एयरलाइनले तीव्र रूपले युरोपका अरू केही राष्ट्र र जुलाईमा संयुक्त राज्य अमेरिकामा पनि सेवा विस्तार गरेको हो । यस विश्वव्यापी कार्यान्वयनसँगै अब उक्त सेवा ७२ राष्ट्रमा विस्तार भएको छ ।