काठमाडौं । भीषण वर्षापछि गएको पहिरोले सिन्धुपाल्चोकमा पक्की पुल बगाएको छ ।  

भोटेकोशी गाउँपालिका ३ स्थित रहेको लार्चा पुल माथिबाट गएको पहिरोले भाँचिएपछि बगाएको डीएसपी श्यामकृष्ण अधिकारीले जानकारी दिए ।
बाह्रविसे–तातोपानी जोड्ने पुल बगाएपछि तातोपानीसँगको सम्पर्क टुटेको डीएसपी अधिकारीले बताए ।

“पहिरो आएपछि पुल भाँचिएको छ,” उनले भने, “तातोपानीसँगको सम्बन्ध टुटेको छ । नेपाल चीन सीमानामा आएको भीषण वर्षापछि आएको पहिरोले पुल भाँचेको हो ।”