विराटनगर । विराटनगरमा थप सात जना कोरोना जना कोरोना संक्रमितको मृत्यु भएको छ । कोसी कोभिड कोभिड–१९ उपचार केन्द्रमा चार, नोबेल मेडिकल कलेज एन्ड टिचिङ हस्पिटलमा दुई र न्युरो अस्पताल विराटनगरमा एक जना संक्रमितको बिहीबार मृत्यु भएको हो । 

कोसी अस्पतालमा मोरङको जहदा गाउँपालिका–५ का २५ वर्षीय युवक, विराटनगर महानगरपालिका–१० का ५७ वर्षीय पुरुष, सुनसरीको कोसी गाउँपालिका–४ का ६५ वर्षीय पुरुष र विराटनगर महानगरपालिका–१३ का ५० वर्षीय पुरुषको मृत्यु अस्पतालका सूचना अधिकारी अनुपम राजवंशीले जानकारी दिए । 

उता, नोबेल शिक्षण अस्पतालमा विराटनगर–५ कोचाखालकी ३७ वर्षीया महिला र विराटनगर महानगरपालिका–१९ का ६४ वर्षीय पुरुषको पनि मृत्यु भएको छ । अस्पतालका प्रबन्धक नारायण दाहालले पुरुषमा श्वासप्रश्वास र मुटुको समस्या थियो । 

यसैगरी न्युरो अस्पतालमा मोरङको रंगेली नगरपालिका–३ का २६ वर्षीय युवाको मृत्यु भएको छ । दुर्घटनामा परी घाइते भएका उनी १७ दिनदेखि उपचारमा थिए । पीसीआर परीक्षण गर्दा पोजिटिभ आएको थियो । उनको बिहीबार बिहान मृत्यु भएको अस्पतालका निर्देशक  रञ्जितराज बस्नेत बताए ।