काठमाडौं । कुशल भुर्तेलको अर्धशतकको सहयोगमा नेपालले त्रिकोणात्मक टी–ट्वान्टी आई सिरिज अन्तर्गत मलेसियाविरुद्धको खेलमा सहज जित निकालेको छ । 

सोमबार भएको खेलमा नेपालले मलेसियालाई ९ विकेटले हराएको हो । कीर्तिपुरस्थित त्रिवि अन्तर्राष्ट्रिय क्रिकेट मैदानमा मलेसियाले दिएको ११० रनको लक्ष्य नेपालले १२ ओभर १ बलमा १ विकेटको क्षतिमा ११३ रन बनायो । 

नेपालका लागि कुशलले ६१ रनको अर्धशतकीय पारी खेले । ४१ बल खेलेका उनले ३ चौका र ५ छक्का प्रहार गरेका थिए । 

काराेना महामारीकाबीच भइरहेकाे खेलमा समर्थकाे उल्लेखनीय सहभागिता थियाे । 

नेपालले भोली (मंगलबार) नेदरल्यान्ड्सविरुद्ध खेल्दैछ ।

सबै तस्बिरहरू : सुनिल प्रधान