काठमाडौं । जनता समाजवादी पार्टी (जसपा) ले संसद् विघटनको निर्णय अधिनायकवाद र निरंकुशताको पराकाष्ठा भएको भन्दै  प्रतिवाद गर्न आह्‌वान गरेको छ । जसपाका अध्यक्षद्वय महन्थ ठाकुर र उपेन्द्र यादवले आइतबार विज्ञप्ति जारी गर्दै यस्तो आह्‌वान गरेका हुन् ।

संसद् विघटन असंवैधानिक र अलोकतान्त्रिक कदम भन्दै विज्ञप्तिमा भनिएको छ, “ यो अधिनायकवाद र निरंकुशताको पराकाष्ठा रहेको हाम्रो ठहर छ । तसर्थ सम्पूर्ण पार्टीपंक्ति र आम नागरिकलाई यस कदमको प्रतिवाद गर्न आग्रह र आह्‌वान गर्दछौं ।”  पार्टीको बैठक बसी थप निर्णय गर्ने पनि विज्ञप्तिमा जनाइएको छ ।