काठमाडौं । मंसिर ३० गते बसेको संवैधानिक परिषदको बैठकले अख्तियारसहित सबै आयोगहरुमा रिक्त पदमा पूर्तिका लागि सिफारिस गरेको छ । परिषद् स्रोतले दिएको जानकारी अनुसार अख्तियार प्रमुखमा प्रेम राईसहित आयुक्तमा जयबहादुर चन्द र किशोर सिलवाललाई सिफारिस गरिएको छ ।
चन्दलाई प्रमुख प्रतिपक्ष नेपाली कांग्रेसका सभापति शेरबहादुर देउवाको जोडमा सिफारिस गरेको स्रोतको दाबी छ । 

निर्वाचन आयोगमा रामप्रसाद भण्डारी र डा. जानकी तुलाधरलाई सिफारिस गरिएको छ । मानवअधिकार आयोगको अध्यक्षमा टपबहादुर मगरलाई सिफारिस गरिएको छ भने सदस्यमा मनोज दुवाडी, डा. सूर्य ढुंगेल, लिली बस्नेत थापा, मिही ठाकुरलाई सिफारिस गरिएको छ ।  वित्त आयोगको सदस्यमा जुध्द गुरुङ र अमरराज मिश्रलाई नियुक्तिका लागि सिफारिस गरिएको छ । 

राष्ट्रिय महिला आयोगको अध्यक्षमा कमलाकुमारी पराजुली, सदस्यमा किष्ण कुमारी पौडेल खतिवडा, बित्ताकुमारी सिन्हालाई सिफारिस गरिएको छ ।   दलित आयोगको अध्यक्षमा देवराज विक दाङ अध्यक्षमा सिफारिस गरिएको छ भने सदस्यमा मीना सोव, परशुराम रम्तेल, टुन्ज बराइली, मेधेली पार्कीलाई सिफारिस गरिएको छ । 
समावेशी आयोगको अध्यक्षमा मनप्रसाद खत्रीलाई सिफारिस गरिएको छ । आयुक्तमा रामचन्द्र जोशी, हरिदत्त जोशी, जितेन्द्र पासवानलाई सिफारिस गरिएको छ ।

आदिवासी आयोग रामबहादुर थापा अध्यक्षमा सिफारिस भएका छन् भने सदस्यमा मीन श्रीष मगर गुल्मी, मिनचुङ लामा, रिना राना स्याङजा र शरण राईलाई सिफारिस गरिएको छ । मधेसी आयोगमा सदस्य जीवच्छ साहलाई सिफारिस गरिएको छ ।  सदस्यमा रेणुदेवी साह, विजय गुप्तालाई सिफारिस गरिएको छ । 
थारु आयोगमा विकास चौधरी र भोलाराम चौधरीलाई सिफारिस गरिएको छ ।

मुस्लिम आयोगको सदस्यमा मोहम्मद अलि र मिर्जा अरसद बेगलाई सिफारिस गरिएको छ । मंसिर ३० गते  नै केही नाम सिफारिस गरिएको भए पनि नामावलीका बारेमा भने जानकारी नभएको राष्ट्रिय सभा अध्यक्ष गणेश तिमिल्सिनाका प्रेस संयोजक अशोक पौडेलले जानकारी दिए ।