मालपोत कार्यालय घोराहीका एक कर्मचारीको कोरोना संक्रमणबाट मृत्यु

देश

मालपोत कार्यालय घोराहीका एक कर्मचारीको कोरोना संक्रमणबाट मृत्यु

विवेक खड्का

विवेक खड्का शुक्रबार, कात्तिक ७, २०७७

मालपोत कार्यालय घोराहीका एक कर्मचारीको कोरोना संक्रमणबाट मृत्यु

दाङ । दाङ थप एक जना सरकारी कर्मचारीको कोरोना संक्रमितको मृत्यु भएको छ । मालपोत कार्यालय घोराही, दाङमा कार्यरत नायब सुब्बा हिराबहादुर डाँगीको शुक्रबार मृत्यु भएको जिल्ला स्वास्थ्य कार्यालय दाङका कोरोना फोकल पर्सन कमल चन्दले बताए ।

तुलसीपुर उपमहानगरपालिका वडा नं. १८ दुधरास निवासी ती कर्मचारीलाई कात्तिक ४ गते कोरोना संक्रमण पुष्टि भएको थियो ।

संक्रमण पुष्टि भएपछि होम आइसोलेसनमा बस्दै आएका थिए । बिहीबार राति एक्कासी श्वासप्रश्‍वासमा समस्या भएपछि कोरोना विशेष अस्पताल बेलझुण्डी ल्याइएको थियो ।

बेलझुण्डी अस्पतलमा उपचारको क्रममा उनको मृत्यु भएको हो । योसँगै दाङमा कोरोनाबाट मृत्यु हुनेको संख्या ७ पुगेको छ ।