जनकपुर । धनुषामा एक जना पाँचवर्षे बालकलाई अप्राकृतिक मैथुन गरी हत्या गरेको अभियोगमा प्रहरीले सबैला –७, मटहीका २२ वर्षीय रामबहादुर सदालाई पक्राउ गरेको छ ।

गत बिहीबार धनुषाधाम नगरपालिका –७, किसानपुर बस्ने रामेश्वर सदाको पाँच वर्षीय छोरा रुपेशलाई अभियुक्त रामबहादुर सदाले सँगै माछा मार्न खेततर्फ लगेका थिए । नातामा सालो पर्ने रुपेशलाई धानखेतको आलीमा उसले मलद्वारमा अप्राकृतिक मैथुन गर्दागर्दै बेहोस भएपछि डारा (कन्दनी) ले घाँटीमा कसेर मारेको प्रहरीले जनाएको छ । 

घटना भएको भोलिपल्ट मृतक रुपेशकी दिदीले मृत अवस्थामा भाईलाई भेटेपछि उठाएर घरमा लगेकी थिइन् । त्यसअघि रुपेश हराएको भन्दै रातभर खोजी गरिएको थियो । शव भेटेलगत्तै प्रहरीलाई खबर भएपछि घटनास्थलमा पुगेर अनुसन्धान थालेकोमा तत्कालै शंकाको आधारमा रामबहादुरलाई पक्राउ गरिएको थियो । घटनामा उसको संलग्नता पुष्टी भएपछि शनिबार प्रहरीले सार्वजनिक गरेको हो ।