जनकपुर । प्रदेश २ को सप्तरीमा कोरोना लागेका दुई जनाको मृत्यु भएको छ । शनिबार राजविराज नगरपालिका –३ का ६३ र ७१ वर्षीय दुई जनाको कोरोनाको कारण मृत्यु भएको सामाजिक विकास मन्त्रालयले पुष्टी गरेको छ । 

शनिबार प्रदेशका विभिन्न जिल्लामा ५७ जनामा कोरोना संक्रमण भएको छ भने ७१ जना संक्रमित विभिन्न अस्पतालबाट डिस्चार्ज भएका छन् । धनुषामा धनुषामा तीन जना, सिरहामा दुई जना, बारामा तीन जना, पर्सामा २३ जना, रौतहटमा १६ जना र सप्तरीमा १० जना संक्रमित भएको मन्त्रालयले जनाएको हो । 

प्रदेशमा कुल संक्रमितको संख्या १३ हजार तीन सय तीन पुगेको छ । ती मध्ये एक सय सात जनाको मृत्यु भएको छ भने सात हजार पाँच सय २६ जना कोरोनामुक्त भएको मन्त्रालयको तथ्यांकले देखाएको छ ।