जनकपुर । प्रदेश २ को पर्सा जिल्लामा कोरोना लागेका एक जनाको शुक्रबार मृत्यु भएको छ । पर्साको पोखरिया नगरपालिका -१, बंकटवा टोल घर भएका एक जना पुरुषको कोरोना लागेर मृत्यु भएको सामाजिक विकास मन्त्रालयले पुष्टि गरेको हो । 

यस्तै, पछिल्लो २४ घण्टामा प्रदेशका विभिन्न जिल्लामा ९५ जना संक्रमित भएको मन्त्रालयले जनाएको छ । धनुषामा १० जना, महोत्तरीमा एक जना, सिरहामा नौ जना, बारामा छ जना, पर्सामा १२ जना, सर्लाहीमा १३ जना, रौतहटमा ३५ जना र सप्तरीमा नौ जनालाई कोरोना संक्रमण भएको मन्त्रालयले जनाएको छ । 

प्रदेशमा संक्रमितको संख्या १३ हजार दुई सय ४६ जना पुगेको छ । ती मध्ये एक सय २५ जनाको मृत्यु भएको छ भने सात हजार चार सय ५६ जना कोरोनामुक्त भइसकेका छन् । शुक्रबार मात्रै दुई सय ४३ जना संक्रमित निको भएर विभिन्न अस्पतालबाट डिस्चार्ज भएका छन् ।