जनकपुर । सप्तरीमा कोरोना लागेका एक जनाको बिहीबार मृत्यु भएको छ । राजविराज नगरपालिका घर भएका ६६ वर्षीय पुरुषको कोरोना लागेर मृत्यु भएको सामाजिक विकास मन्त्रालयले पुष्टि गरेको हो । 

प्रदेशका विभिन्‍न जिल्लामा ४३ जना कोरोना संक्रमित थपिएको मन्त्रालयले जनाएको छ । धनुषामा पाँच जना, महोत्तरीमा दुई जना, सिरहाका पाँच जना, बाराका पाँच जना, पर्साका १४ जना, सर्लाहीका दुई जना र सप्तरीका १० जनालाई कोरोना संक्रमण भएको हो । 

प्रदेशमा कोरोना संक्रमितको संख्या १३ हजार एक सय ५१ पुगेको छ । ती मध्ये सात हजार दुई सय १३ जना कोरोनामुक्त भएका छन् । बिहीबार ३१ जना संक्रमित निको भएर डिस्चार्ज भएका हुन् । र, एक सय २४ जनाको मृत्यु भएको छ ।